Entry - 121 " Bawngsa Kabab"

BAWNGSA KABAB siamna mamawhte :

  

1.       Bawngsa 

2.       Purun sen lian tha ve pangngai 1

3.       Purun Var mal 6

4.       Hmarcha pui hring du ang tawk

5.       Limbu tui thirfiante 2

6.       Sawhthing tlem chan sawm

7.       Ghee or Butter thirfiante 1

8.       Kebab masala packet 1

9.      Curd thirfiante 2

10.     Chi duh ang tawk.

Heng bawlhlo ho hi her sawm vek hnuah bawngsa nen hian marinate tur. Marinate hun chhung hi dar 8 ai a tlem lo ni thei se duhthu sam. Sa hi a nem tha duh bik a ei a nuam. Ovenah minute 45 vel ur tur. Chuan bawngsa kebab chu a ei theih a ni tawh mai.

Entry - 120 " PURSE"

Kha mi ni  zet kha chu hrilh a hai ngei mai!!. Biakin a ka kal tur chu Busah chuan ka chuang ve ta a, mihring kan tam bawk a, a tawt ang reng a. Tichuan Bus fare te chu kan pe a fel a kan kal ta zel a. A thui tham deuh avangin ka ning ve tep hman. Mahni hmel an pui loh hlir chuan pui ta chu en te pawh hi min en duh deuh nge nge bawk. Minute 45 vel kan chuan hnu chuan kan thleng ve ta a. A tawt deuh avangin chhuk lam pawh chu midang nek deuh sawk pah a chet vel a ngai tel bawk.

Bus dinna hmun atang chuan ka Biakin kal tum a pawh chu ke kal phak lek a ni tawh a, rei lo te ah Biakin chu ka thleng phei nghal mai bawk a. Mahni in tawngtai na hun te hmangin ka awm deuh  reng a. Midang Biakin tlawhtu pawh an tam khawp mai. Tichuan, ka mobile ah hian message tone a rawn ri a, mahse ka en mai lo Biakin chhungah ka la awm avangin. Tichuan hmanhmawh lo takin Biakin a tang chuan ka chhuak a, ka message dawn chu kan en a “ I ATM pin code a dik lo hemi numberah hian rawn zawt chiang rawh” tih message hi ka dawng a. Ka la bang bo hle mai.

Biakin bul velah te chuan ka tei kual vel leh rih a, ka message dawn kha ngaihtuah zui lem lo chuan. Mahse vawithum lai mai a rawn thleng nawn tak ah chuan ka bag ah lai chu kan en a, ka PURSE chu a lo awm reng reng lo mai chu niin. Tichuan hamhaih tak chuan ka ding ta reng a, han zawn ngaihna lah chu a awm der lo mai. Ka message dawn atang khan midangin ka PURSE chu lain ka ATM card chu lo hman an tum ngei tih kha a chiang tawh a. Tichuan ka message dawn atang a number biakna tur min pekah chuan ka be nghal zung zung a, hman theih loh turin ka block tir hma sa ber ta a. A dang ka Purse chhung a awm ho ka ngaihtuah a, pawisa fai chu tlem te a awm a, mahse ka Rosary roh tak leh ka ID ho kha ka ngaituah nghal zat a. Rilru hreawm ti tak chung chuan in lam chu ka haw ta a. Ka ngaihtuah na ah chuan ka PURSE la tu khan a chhung a en khan pawisa kha awm tlem si a, engnge tan nge a tih ang aw, ATM card ho lah chu a hman theih dawn chuang si lova tiin ka ngaihtuah neuh neuh reng.

Ka Purse bo atang a kar li na Chawlhni zing dar 10:00 a.m bawr vel hian phone call ka dawng a, Ka PURSE bo an hmuh thu min rawn hrilh chu niin. Ka awih lo tep zawk a, a chhan chu hetiang khawpui lian ah hian ka hmuh leh hi ka in ring ngai lo hmiah. A chhartu hi tui mi in a sem kual a eizawng ve mai niin chu chuan Ms.Rosa hnenah a lo pe leh a. Ms.Rosa chuan a chhunga  thil awm te an en a, min contact theihna tur awm atang chuan min rawn phone thei ta a ni. An awmna address te min rawn pe nghal a, tichuan ka va kal ta a. Him takin engmah bo thlau awm loin ka ID pawimawh leh ka Rosary roh em em chu ka nei let leh ta vek a nih chu. Pawisa tlem ka neih ve erawh chu a a awm lo. Hetiang mi rinawm ka tawng hi ka vannei khawp mai. Lalpa malsawmna leh zahngaihna vang a ni ka ti lo thei lo.

Ms.Rosa. Ka Purse min lo vawn him sak tu.

Ka Purse bo ka hmuh let leh chu.

Ka Purse bo vang a ka thian chhar belh. (Ms.Rosa thiannu)

Entry "119" Vellore Lamtluang....

Zing dar 2 :00 a.m a ri chiah tih in, ka phone chu a rawn ri a. Nidang ah chung ang em em a zing in, ka phone hi a ri ngai si lo. Ka han en chuan, Aizawl lam atangin U Ruati chuan min rawn phone niin. Ka han chhang a, min phone chhan te min han hrilh a. Kei pawh chu a tuk zing khua a lo var chuan, ka in siam sawk sawk a, Vellore lam chu ka pan ta a. 

Kan U pakhat chu na tak a dam lo mek in, CMC Damdawiin ah chuan enkawl mek a ni. Khaw chhung lam zai te a nih avangin, duh ang chuan kan dam chak lo hle bawk. Hemi chungchang ah hian Vellore Mizo lo awm te chung ah ka lawm hle mai. Tin, thisen te pawh pek ngai hial a nih in, tlawmngai takin Mizo tlangval fel tak mai, Bangalore lam a lehkha zir Sangzuala'n thisen min pe bawk a. Mizo nih hi a ropui ka ti hle mai! Synod House enkawl tu Pastor pawh a tul engkim ah min pui reng bawk. A chungah pawh kan lawm hle.

Chu tia buai leh hreawm karah pawh chuan, lawmna lam pawhin min kalsan chuang lo. Ka U Dawnga fanu chu CMC, Vellore hmun ngei a MBBS zir thei tur in, Mizoram reservation exam ah Topper niin an rawn thleng thla ve leh chiah bawk a.Ka hah tawh ve bawk nen, an hmel ka hmu chu ka thaw te pawh a veng huai mai.Ti hian thingpui te pawh kan in ho ve a.Tin, ka student hlui Malsawmi pawhin MBBS chu a lo zir ve bawk a. Kum 10 chuang meuh in hmuh loh pawhin, mahni student hlui hmel te pawh kan la hre ve thei zel e.....

Ka nau Marini leh Ka student hlui Malsawmin te nen.

Mahse kan hlim lai ni te chu a rei lo hle mai. Mihring taksa dam lam chuan hma kan sawn lo hle mai. Beidawng takin kan awm leh thin a. Tichuan, a tawp ah chuan, kan Lalpa chuan he lei hreawm leh nat na a ta, Ka u dam lo chu min lak sak ta. A hnenah thlamuang takin min chawlh san ta a ni. 

Vellore Mizo ten thlamuang takin, Chapel of Hope ah thlah na min neih pui ta a ni.

Mizoram House kan thlen na hmun.....

Entry - 118 " India Zalenna Ni Pual in"

India Independence Day ni kan lo thleng leh ta reng mai! He ni ropui tak kan hman hi, India khua leh tui te tan tan chuan ni chhihchhiah tlak a ni. Kan ram hruaitu hmasa ten thisen tam tak seng a, an lo sual chhuah Zalenna ni a ni.

He ni hmang tur hian kei pawh hma takin ka tho a. Loyala College,Chennai hmunah ka va tel ve a. College Zirlai leh NCC ten urhsun tak in hun an hmang. India National Flag pawh pharh niin, ropui takin he hun hi kan hmang.

He mi ni hi Roman Catholic te tan hun ropui leh pawimawh a ni tel bawk a. Mari Van Lawn Kut ni a ni bawk. (The Feast of the Assumption of the Blessed Virgin Lady). Mass inkhawmna ah ka tel ve nghal bawk.

HNAM Puan zar chu pawh pharh a ni ta!

LOYALA College, Chennai Zirlai te nen.....

LOYALA Biak IN. Hetah hian Inkhawmna kan nei.

Entry - 117 " Thalak mai mai"

Ka len chhuah vel na ka hmuh te......

Entry - 116 " Catholic Priest Ordination at Mizoram"

Mizo Puithiam nemngehna inkhawmna ropui tak an neih na hmun Christ the King Cathedral, Kulikawn Aizawlah ka tel ve a. He Puithiam an nemngeh thar hi a congregation zawm OFM a Mizo Puithiam hmasa ber a ni nghe nghe a ni. A mah Fr. Raymond hi mimal tak pawh in an chhungkua hi ka hriat a nih bakah, a unau te nen pawh in kawm nel tak kan nih bawk a vangin, hetiang din hmun a rawn thleng thei hi ka lawmpui tak zet ani. Mipui tha hnem tak he hun hmang tur hian hmun hrang hrang atangin an rawn tel bawk a ni. Aizawl Diocese Most Rev. Bishop Stephen Rotluanga chuan dam chhung atan Pathian rawngbawl turin a nemnghet a ni.



Most Rev. Bishop Stephen Rotluangan Chatuan Puithiam a tan a nemnghet ta.

 

Mipui pawh an tha hnem hle.

 

Ka college zirpui thin Naga te nen kan in hmu. Hun rei tak hnu a kan in hmu leh chu kan hlim tlang hle.



Sialsuk YMA Hall ah Mass hmasa ber a hlan. Mipui kan tha hnem hle.

Sialsuk khua.

A lawmna ruai theh turin Mipui kan pungkhawm.

An vawksa chhum pawh a tam tham khawp mai.

 


Kei pawh ruai chaw ei turin ka in tlar ve a.

 

Mizo OFM Puithiam hmasa ber Fr.Raymond nen.

  

Entry - 115 "Khawthlang lam ka zin ve a...."

Khaw thlang ram ka zin a, a nuam ve khawp mai. Kan Mizoram khawpui Aizawl nen teh khin chuan a dang lam khawp mai. Hmasawnna lam ah kan in khai rual lo hlein ka hria. Khaw then khat te phei chu tun thleng in motor in a la tlawh pawh loh khua te pawh kan la nei.

A hnuai a picture hi TUT lui, Mamit khaw kawng a mi a ni.

Hei i DAMDIAI khua.

Hei hi SIHTHIANG khua a nia. Hmanlai thingtlang khua a ang ber.

Hei hi TEIREI lui kam a an thlai hmun a ni.

TEIREI Lui. A lui hming hi ka hria a.Vawikhat ka kal na a ni. 

Hei hi CHILUI khua a ni. Tun thlengin motor kawng in a la tlawh pawh lo.

Zawngtah leh Thingfanghma te pawh an rah tha duh hle a .

Hei hi Tarpi Lu. A lian khawp mai.

Chilui Khua ah ka thu hahdam ve ta a. Ke in Sihthiang khua a tangin darkar hnih vel kan kal. Ka hah ve khawp mai.

Entry - 114 " Christmas & New Year 2012"

Ka post tlai khawp mai. Hun hi neih a har deuh zawng a nih hi. Hei picture tlem ka neih ka han pho chhuak ve mai mai e.

Ti hian ruai te pawh kan theh a, kan hlim tlang hle.