Tun tum chu kan Mizo ei duh zawng lam ka han siam kual vel a, ka Mizo thiante sawmin kan ei khawm a tui kan ti tlang khawp mai. Thiante ho pawh Mizo chawhmeh an ei khat ve bawk nen tui kan tih dan a dang zar mai. Mahni in chhung khur han pelh pawh hian kan ei leh in duh zawng hi chuan hmun a luah khat khawpin ka hria. Hmun hla tak mahni ram pel ah pawh hian ka lo ei thin zawng hi ei chak hun awm tlat. Kan ei leh in han siam dam atang hian mahni hnam zia hi tam tak a pho lang.
Kan Mizo ei rel leh siam dan hi taksa tan a hrisel tur hlir hian kan siam ber awm e. A tui na lam ai mah hian hrisel leh thianghlim lam hian ka rilru hi a lauh nasa zawk. Kan Indian pui te ei rel hi chuan ka chhung tui na lam hian an rilru a luah hneh zawk hle in ka hria.
Zirna a vangin hun rei tak hostel vel ka awm thin a. Khang hun lai vel a kan Mizo chawhmeh vel ka ei chak thin zia kha aw. Hei tunah chuan mahni in duh duh ei rel theih na hmunah ka lo awm ta a, a nuam dang lam khawp mai. India ram chhungah hi chuan North East India lam ei siam dan hi a dang lam bik khawp mai.
 |
| Bawngsa leh Zikhlum chhum pawlh. |
 |
| Zawngtah mu kan. |
 |
| Hmarchapui Bai. |
 |
| Vawksa kan ro. |
 |
| Anthur hnah chhum. |
 |
| Baibing chhum. |
 |
| Rawtuai rep bai. |
 |
| Bawngsa hem ro. |
 |
| Arsa leh Alu kan pawlh. |
 |
| Hmarchate Pickle. |
22 comments:
Avan tui dawn sawt sawt tak em !! Eisiam hi ivan thiam em em ve mawle, hotunu!
I recipie min pek pawh kha tui khawp mai!Thanks
Eheu, tui hmel hlawm ve le... Riltam lo pui ka chilthli a'n pawh tlat pek chu le... Ei mai atan chuan uiawm hlawm reuh...tui dawn bawk sia..
@Seki ei siam hi hun neih chuan nuam ka tih zawng a ni mahse hun neih loh chuan ka peih lo.
Kei pawh ka lawm tui i lo tih chuan.
@cobtea heee...i va han ti lawmawm em! a tui i tih zawng chi ka lo siam thiam ni maw. Ka la sawm ang che ei turin.
Nia, a chakawm khawp ang..hehe
yummmmm!!!!
Ka bookmark nghal e... siam ve teh ang zanin chu i siam ang chiah hian :D
van tui hmel sawt sawt hlawm tak.. i ei siam ei chak tawh lutuks.. Rawtuai khi engtinnge i bai, a rep ka la nei ve tat asin, min lo hrilh leh teh,ka lo bai ve te'ng
A tui hmel khop mei.Min ti eichak top...in lam ka ngai vawng2.I siam vek ami???U must be a great cook huh???
A va'n tuihmel em em ve maw le.. Mizo chawhmeh a nihna bo silo, tuihmel leh changkang si... chilpuuuut kan lem seng dawn hlei nem le. Heng nen hi chuan hnamdang thiante pawh mizo chaw eipui a phurawm ve deuh e..
@illu..nia lo siam ve ngei rawh aw. a tui chuan min han hre reng dawn nia.
@Varte..i rawn holiday hun a chaw i rawn ei tur kha hre reng la aw.
Rawtuai rep hi tui so ah darkar 5 vel chiah tur bel phui tha deuh ah. I siamna tur bel hran ah tui a baina tur awm vel kha i chhuang so ang a, chuan rawtuia rep i chiah zawr sa kha thlak ang che. Chi, hmarcha (duh ang tawk), bawkbawn (i duh zat), bekang rep or sangha rep leh soda tlem. chuan chawh ngun tur a hmin hma chu aw.
@Clio...kei mah siam vek ni e. Ei siam vel hi nuam ka tih zawng nia. Weekend hi chuan ei siam nan hun ka hmang nasa ber mai.
I lo len luh avangin ka lawm e.
@Buata I lo len luha avangin ka lawm e.
Mizo hian kan ei siam dan hi kan ti lar lem lo khawp mai hnam dang te ang hian. Ni e kan Mizo chaw hmeh siam dan hi zahpui awm loh asin hnam dang zingah pawh ka chhuang thei khawp mai sin heee...heee....
Bawngsa hem ro khi tui hmel sor sor hle mai. Hmanni ah ka thiannu vainu pakhat kan inah chaw rawn ei zing deuh hian amahin kan in a a ei thin angin vawksa siam a lo tum ve ngei a, kei chu ka zin bo avangin min rawn call thei lo a, net ah ka zawng nasa lutuk a 'Mizoram pork' tih te in ka zawng a atia, I blog ah hian engtin tin nge maw a lo lut ve ngei ani awm e. English in, a instruction kimin ziak la Mizo chaw I ti lar ani mai :)) Ziak zel rawh
Tui hmel khawp mai. Thlalak pawh nalh. A mal te te hian a recipe nen post leh a. Ka type pa hian hmarcha rim ka hre thei :-)
Thiani chu Zoram pawna khawsa rei viau e ti lovin Zo chawhmeh siamah zawng tlan chhe chi i lo nih loh hi...I siam ngei rawn ei chakawm hle mai. Ril i ti tam tak meuh a ni. I zawngtah mu kan hi Ka blog lamah ka thiar phei nawlh mai...Damin
@Jeru..haaaa...nih chu mawle aw in thiannu chu. Kan Mizoram ei siam dan hi kan ti lar lo khawpin ka hria. I suggest ang hian ka rilruk deuh a, hotel management emaw culinary cooking diploma tal te hi zir that leh ka chak thin alom. Ni e hei ka theih ang in a recipe leh cooking dan tur kimchang nen blog ka lo tum tawh ang e.
Thank you for your inspiration!
@Benjamin. I lo len luh avangin ka lawm e. I suggest ang hian rawn ziah chhuah vek ka tum ang e.
A rim ringawt lovin a tak hi ka han suah ang che aw..heee
@Mizokhawvel..i dam zel maw? Ei siam velah hi chuan kan in lungrual khawp mai haaa...haaa...chawlh in rawn neih hunah ka ei siam chu in ei ngei dawn alom in chhungin. A dam hi han hauh phawt ila aw.
naktukah ka ron ei don heehee... ka ril a tram toh top..
Mizo chef chhuanawm tak tak te hian an thiam thil te hi Mizo mipuite/hnamdang te chhiar tur hian rawn post ve thin sela kan hnam chawhmeh siam dan(mizo dish)tih lar na tha tak ani dawn si a.Mizo te tan chuan hmahruaitu i ni e,chef ini em or hotel mgmt bakground tha tak cu i neih ka ring a.Ka ngaisang khop mai che.
Post a Comment