Monday, September 27, 2010

Entry - 102 " Cooking Sea Crab"

Tuipui Chakai siam dan. (Sea Crab)

Tun tum chu South Indian Tuipui chakai siam dan ka zir ve a. Kan Mizo siam dan nen chuan a in ang lo hle. Hnam dang siam dan hriat belh pawh hi a hlimawm hran pa ka ti hle. Kan Zoram tlangram chakai ka hmuh ve thin nen chuan a in ang lo khawp. Tupui chhunga cheng ta chu an lian zawk fe mai.

















Thil mamawhte :

1. Chakai  -  ½ kg
2. Tomato  –  2 lian tha deuh
3. Curry masala  –  Fiante hnih
4. Hmarchapui a hring  – Pathum
5. Coconut hring  –  gram 100
6. Sawhthing  –  gram 50
7. Purun sen  –  pum 2
8. Purun var  –  pum 1 lian tha deuh
9. Tel  –  Fian 3 emaw fian 4. (duh dan ni mai)
10. Chi  –  Mahni duh tawk.
11. Dhania hnah hring tlem.

A siam dan :

Chakai kha fai tak a sil tur.
Tui so ah minute 2 – 3  vel chhum tur.
Chuan a daih hnuah theh darh a tleng fai takah dah tur.
Tomato, Purun sen, leh sawhthing kha sawm tha tak a chan tur
Purun var kha sawm vak lova a den keh tur.
Coconut hi sawm tak a her tur.
Tichuan tel i chhuang sa ang a, tel hmui hnuah purun sen, purun var leh sawhthing kha thlak tur.
A chungah thlak tur i thlak zawh hnu chuan tomato leh curry masala kha thlak ang che.
Tomato kha a hmin deuh hnuah chakai kha thlak la tui tlem leih tawh tur.
Chung Chakai leh thil dang i thlak kha uluk takin chawh kual tur
Tichuan mei kha hniam takin dah la minute 30 vel ur tur.
Chu mi zawh ah coconut, chi leh dhania hnah thlak leh ang che.
Chu min hnuah minute 5 han ur leh la.
Chakai chu tui takin ei theiin siam peih a ni ta e.



13 comments:

Sekibuhchhuak said...

Chakai hi ka ngaina vak lova, ei pawh hi ka ei khat khawp mai. Mahse, asiam thiam ten in han saim chuan atui hmel bik hle mai.

Tin, i blog ah hian open id comment-na kha idah ve lova, ka id hluiin ka rawn lut a :-)

khumchikthei said...
This comment has been removed by the author.
khumchikthei said...

A va tui hmel lehpek e. A hmin dawn tepah khan curry leaf tlem han telh la, a chakai rim ngher kha a that daih ang.

b-buata said...

A tui leh dawn mang e awww??? A taka ei a van chak awm thin ve le..
A Chakai ai mah hian a bawlhlo te hi ka eichak khawp mai...

Taka,, hman ni chu ka thiante Eisiam lam tui ve deuh hi I blog hi ka lo kawh hmuh a, a siam dan te a'n Copy vel kha maw.. a siam tui ve tak tak ang e maw???

keimah said...

Tui hmel top! Kan nu siam tir ve teh ang! I recipe hi ka copy sak nghal dawn! :chilput:

caribou said...

Chakai hi chu ka chawhmeh duh zawng tak a ni a, sea crab ber kher erawh ka la ei miah lo. A siam tu in a zir hmel bawk a, a tui khawp ang le. Ei ve a chakawm khawp mai.

Hmeichhe eisiam thiam tak hi an hlu ka ti.

Maisek said...

Irene, i thil rawn post ho hi a bu in siam teh! ready reference atan a tha hlawm riau mai!

Irene said...

@Seki Chakai chu ei ngai lo tan chuan a tui vak lo mai thei mahse a duh tan chuan a tui an ti khawp mai.

open id chu ka lo check ang e.

Irene said...

@Khum....ni e curry leave han thlak leh zauh ila a tui ang. Mahse a rim duh lo tan chuan rim chhia an ti.

Irene said...

@Buata A tui dang dai ve khawp asin.

I thiante chuan tui an tih ngei ka beisei.

Irene said...

@Keimah..tui deuhin aw...

Irene said...

@Caribou..sea crab chu i la ei ve ngei ang. Ni e chakai hi a duh tan chuan tui khawp asin.

Irene said...

@Maisek..ni e ka lo tuma ng e.