 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Mizo chawhmeh - Kawhtebel. |
Kawhtebel hi thal lai chawhmeh a ni ber awm e. A tui ti tan chuan chawhmeh tui tak chu a ni ang. Hei hi a kung atang a, an lawh tlak tawh a ni. A kung hi hling nei a nih avangin a lawh vel pawh awl ai lo tak a ni.
Ti hian chawhmeh a tan ka han siam ta a. A tui khawp mai.
Thil mawmawhte :
1. Kawhtebel kg chanve.
2. Chhawhchi ( den sawm sa )
3. Purun sen ( bul 2 )
4. Tel ( thir fiante 5 )
5. Chi
6. Hmarchha hmui (den sawm)
A siam dan :
1. Kawhtebel kha a hmin tui tawhin chhum hmin hmasa ang che.
2. Thleng / Plate fai tak ah khawtebel hmin sa kha a tui tel lovin la chhuak leh ang che.
3. Kawhtebel ah chuan chhawhchi, purun sen zai sawm, chi leh hmarchha kha i phul kual ang.
4. Tel kha hmui takin chhuang ang che.
5. Heng thil mamawh zawng zawng i phul zawh hnu ah, i tel chhuan hmui kha leih kual ang che.
6. Hneh takin i chawh pawlh tawh ang.
Tunah chuan i kawhtebel siam tui tak chu ei theih in i chhawp chhuak tawh mai dawn ni.
20 comments:
Hotunu,,, Kawhtebel te lehzel pawh a van lang tuihnai ve le. Tun tum chu a siam dan pawh a kikawi vak lo bawk a, kei tehlul pawh hian ka siam ve thiam in ka ring tlat mai, a tui hmel riau a..
@Buata Ni e awlsam leh tui tho bawk si a siam hi hun a heh lova, a tha ber. I thiam ngei ang, lo siam ve dawn nia.
Kawhtebel hi a va han tui em em tak em! :) Mahse a chhum tawp leh kan bakin ka la ei ngai lo. I recipe chu try ve ngei tur anih khi
Kawhtebel hi helam chhim lamah chuan "Changkhen" kan ti. A inti hre zualin "Kawhtebel zawk alawm, in changkang lo em mai" mi ti bawk. A hming dang mahse, amah hi chu a dang ve chuang lova, a tui dan pawh a ngai reng.
Kawhtebel hi tui ka ti ngai lem lova. Mahse, khi, i siam dan ang khi chuan chilthli a tiput mai alawm le. A tui hmel khawp mai. Eisiam thiam hmeichhia hi chu Pa tan rohlu an ni.
Kawhtebel hi a tam tak tak na ah chuan kan ei tha peih der lo nia mawle, khawpui ah hian kan inngaihsan siaka kan ei mai mai niin ka hria, keini siam ve dan chu chhum han, fry tih vel a nia tih fuh chang chuan kan ei tui ve thei fuuuu, i sawi ang hian la tihchhin ve tur a nih hi.
@caribou: kan khaw lamah chuan changkhen kan tih chu sava rahtlan a ni daih, a kung pawh archangkawm kung ang deuh hi a ni.
E,, Hotunu, i va titha thin em! Kawhtebel hi kei pawh a tui ka ti viau mai a, tikhian tui ka tihna a belhchhah leh dawn a ni!
Kawhtebel hian makna riau a neih chu- thenkhat tan 'a va tui em em e aw' tia han sawi tur ni lo mahse, ramhnuaiah hian han hmu ila kan lawm em em mai a, hlawhtling kan inti ru tlat zel. Mizo chawhmeh (tak tak) a ni. Pic. mawi hle mai.
Jerusha ang chiahin, a chhum han leh a kan bak ka la ei ngai lo. Hetiang hian tih ve chhin tur a nih hi. Chhawhchhi (not Chhawhchi) hi chawhmeh dang nen pawh inhmeh tak a ni.
I va thiam ve. Chawhmeh siam rawn zir ve a va chakawm ve. Kan siam ve chhin nghal teh ang, i recipe ang hian. :)
tui hmel.. ei chak bon tops.. hmuh lohna rei tawh bawk si. Kawhtebel mai mai pawh i siam chuan a itawm leh hle mai., rawn haw hunah try ve ang.
@Jeru....ni e a chhum tawp pawh hian a tui em2. He recipe hi a tui dang lam ve kawp mai. I lo siam chin ve ngei dawn nia.
@Caribou Kawhtebel hming dang hi vawikhat ka hriatna nia. Hetia han siam hian a tui dan a dang deuh a, i lo ei duh phah mai thei sin i lo siam chin ve dawn nia.
@Triplestar ni e thil tamna ah hi chuan a tui mawh deuh alawm. A vang apiang hi a tui duh a niang. I lo ti chin ve ngei dawn nia.
@TS aw i lo duh ve a ni maw... Tui takin i lo ei teuh dawn nia aw.
@Rp...ni e a dik kawp mai. Mitin hian tui tih zawng hi kan nei dang teuh si a.
@Zaia...i lo siam chin ve dawn nia. Typing mistake lo awm nih hi mawle.
@Jay...ka lawm e. I lo siam ve ngei dawn nia. Nang pawh thil dang siam dan te han thawh ve la mawle.
@Dini..ni e i awm na atang chuan hmuh mai chu awlsam lo tawp ang. I lo haw hunah kan siam leh ngei ang.
'Kawhtebel' han tih top lo deuh hi hming dang a phuah theih loh emawni le?
Post a Comment