Thursday, March 18, 2010

Entry - 91 "Kar hla Di"

Hla lungkuai tak te pawh mi lung leng mi chuan an phuah chhuak reng a ni. Kan Mizo hla ngeiah pawh ti hian hla phuahtu chuan thiam takin a lo phuah chhuak a -

"Kar hla Di zun a uai chu
 Tuar thiam a har ngei ka tan
 Dar ang tawn leh ni nghakin
 Zan mu reng ka chhing thei lo"

Mihring tung chho zel ah, chhan leh vang hrang hrang avangin in ngaihzawn lai leh in thlakhleh em em hun lai ten hmun hrang, tlang hrang daihah te kan awm hran a  lo ngai thin a. Lunglen a va han na thin tak em! Keimah chauhin hetiang hian ka tuar bik emaw ni chu aw...tih te hi a awl rum rum  thin reng a ni. Mahse han hriat zau deuh chuan keini ai a hreawm lo tuar nasa lah hriat tur an lo awm ve leh zel bawk a. Lung han len tak tak hi chuan ngaihtuahna te hi a lo tawi vek duh an tih te pawh hi min hriat nawn tir leh thin.

Hmangaihnain min han phuar tak zet hi chuan nun hi alo dang lam thei hle mai! Hman a ka awm ang nen khan in ang thei lo. A bul hnai a awm reng duh na in ka nitin hun min chhim chho a, amah ka ngaihna hian nitin hian a zual zel bawk si. A bula ka awm a ka hlim zia kha aw...thu hian a sawi fiah thei lo a ni. Min han en a min Hmangaihna mit meng mawi zia te kha ka thlir ning thei lo asin. Mual tam tak kar danah leng mah ila min hmangaihna hian min phuar dun zel si a. Ka tan a hreawm tin reng pal tlang i in huamna zawng zawng te hi aw....In thlahlel ngawih ngawih a kan in then ni te kha.....

Keini lo pawh he khawvelah hian kan hun tawn ang tawng ve mi tam tak an awm a, chu chuan min ti pa chan phah em em bawk. Kei ai a tuar nasa pawh an awm ka ring bawk. Chuvang chuan lung leng hle thin mah ila tuar peih a tuar chhuah hi ka tum hram hram a ni. A hunah chuan hlimna ni chu a rawn in her chhuah ve ngei ka beisei.

15 comments:

Varte said...

Nia, Kar hla D zuna uai chu tih hla kha a lar viau thin tak kha mawle..

Chuan, pasal neih i tum hnai chu a ni em lo maw, Aizawl i haw a, Kar hla D ti nghal ringawt mai a... :)

Mizo Khawvel said...

Ekhia..thiani chu rawn thai tha hle mai.. Kar hla D nena in intawn leh thuai theihnan duhsakna ka hlan bawk a che. Khawnge i kutchuak hi mizokhawvel thiante kan' hluive teh ang, i profile pic hi ka pho chhuak dawn a nia..rem em ang chu maw..??

Irene said...

@varte he hla hi hmanah chuan awmzia nei vak lo ka tan mahse tunah chuan ka lunglen min hnemtu hla mawi ber lo ni ta si....

Ka in thup rei tawh a...lo puak chhuak ve ta ni hi...Kar hla Di ngai hian kumpui sul hi liam leh mai thin si a...

Irene said...

@mizokhawvel thu thiam lo lutuk a mahse puak chhuak ve tawp mai ni e.

Midangin an chhiar duh phawt chuan rem ti e.

Thanks for visiting me!

cheers!!!!

Mizohican said...

Va ril raih raih ve, Pi Irene-i chu :D
lolz @ Varte :-)

Mann-a (C. Lalhmunmawia) said...

I ziak ngaihnawm thiam hle mai. I thuziakah min chen tir thei tlat.

MARKWOOD said...

I thuziak chu i tak tak nunram a nih hmel, ralkhata khurbin dun a chakawm kuai kuai mang e.

Irene said...

@illusionaire a rawn irh chhuak phawng nih hi....


@pimpom hetiang boruak a chen hun lai hi sawi fiah thiam a har ka ti khawp mai....

@Markwood a tak nun ramah ka cheng mek e....

thinchhia said...

a ngaihnawm reuh,i ziak thiam bawk.mizo hla hi lunglen vawrtawp loh chuan ka ngaithla peihlo thin.mahse kum a lo tam a,lung an len tak2 hi chuan hla hlui ho kha ngaihthlak a nuam.

zualbonez said...

Ziak tha hle mai. ke hrethiam khawp...sigh!

VaiVa said...

A rawn inher chhuak ang leh! :P

Kar hla D hi kan ti teh fo va, kar hi engtia thui nge ngai tih hi ka lo ngaihtuah ve rauh rauh thin a. A then erawh chhim tawp leh hmar tawpah awm mah se la, hmangaihna in thinlung hmunkhat puttirin lenna tlang dang an sawi ngai hauh si lo. A then erawh khawkhat a cheng reng chung pawh hian long distance relationship hi an maintain thei lawi si (Sandman ka tihna ni lo nia!)

Karhla D hi engtia hla nge le??? :P

Irene said...

@thinchhia thu ziah hi ka thiam vak lo mahse rawn puak chhuak ve pawm mai ni e.

Ni e lunglen vawr tawp hi chuan Mizo hla hi kei pawh ngaihthlak nuam ka ti ber mai...

@zualbonez ka lawm e min lo hre thiam a....

@vaiva Thanks for u r wishes. I do hope...

Kar hla Di han tih hian hmun khat a cheng dun lo in ngaihzawng hi ni mai ang chu. Ni e hmun khatah awm pawh hian kar hla di pawh hi ni ve thei tho bawk.

Ka sawi fiah thiam lo e a...heee...heee...

EPISTEMOLOGY said...

I ziak ngaihnawm khawp mai. I sawi ang khawvel hi ka la dai chiah lo niin ka hria...:)

Hriatpuia Pa said...

E khai! Ka lo hre hlei ne'm!! I blog chu a va lun luai luai ve!! Hetiang thu i ziahna chhan nen hian engtikah emaw chuan hlim takin, tu dang ngai lovin in lendun ngei ka duhsak a che.

I karhla D hi an kohdan ka hre maithei :P (Sual lo.:)

Irene said...

@epistemology ziak ngaihnawm i lo tih avangin ka lawm e.

I lo dai ve palh chuan min han hre reng dawn nia....

@Zaia e!! min tlawh khat aniang midangin an hriat khalh vek che nih hi...heee..heee...Ni e han tuar hram2 zel ila hlimna ni chu arawn her chhuah ve ngei ka beisei e...

Kar hla Di kotu atan chuan i thiam ka ring khawp mai kei pawn...heee...heeee