Tuesday, May 04, 2010

Entry - 93 "Weekend Activities"

Kar tluanin Pathian venna leh kaih hruaina dawngin ka hna te tluang takin ka thawk thina, kar tawp chawl (weekend) hi ka nghak hlel hle thin ani. Kar tawp chawlh hun hi mahni nuam tih zawng leh mahni hna pawi mawh zual bik chin felna hun atan ka hmang deuh ber thin. Family leh Thiante nen len khaw thawnna hun atan pawh a rem changin ka hun ka hmang fo bawk ani.

Tun tum kar tawp chawlh (weekend) pawh rawn thleng leh ta reng mai a. Ni dang a ka tih thin fo tawh angin ka hman dan tur te ka suangtuah lawk a. Tun tum chu eirel lam siam na hun atan ka hun ka hmang khat a ni ber. Eirel leh sawngbawl dan chi hrang hrang hi ka tuina chi khat a nih vang hian ka hun tam tak hi ka hmang reng a ni. Hun ka neih phawt hi chuan TV show leh lehkha bu a mi te hi ka chhiar nasa thin em em bawk. Ei tur tui tak a siam tur chuan hun neih tam leh taimak hi a ngai em em mai a, chuvang chuan kar tawp tih loh hi chuan mi siam sa ka ei kual ve mai bawk a.

Vawikhatna a tan "Indian Hyderabad Chicken Biryani" leh "Chinese Grill Chicken" ka siam a. Biryani chi hrang tam tak siam dan a awm, mahse  kei chuan Hyderabad Biryani hi India ramah chuan a tui ber leh hmingthang ber a sawi a nih vangin leh kei pawhin tui ka tih em a vang hian a siam dan hi ka zir chik deuh bik a.Heng siamna tur a mamawh arsa leh a sawngbawlna chi hrang chu super market atang chuan kan lam khawm a. Chung a bawl hlo leh arsa vel lam khawm zawh chuan, siam turin ka han sawngbawl tan leh a. Vawikhatna ni bawk a ka khawr ve deuh hlek. Keini Mizo eirel chawhmeh siam dan nen chuan in ang lo hle mai. A sawngbawlna a pawlh tur zat, eirelna hmanrua, a minute leh dar kar leh mei ur sat dan hian kawng ro a su hle a ni. Ka han siam zo chu ka hah ve hle mai. Ei tur a peih a ni hnu a,kan chawp chhuak chu tui an ti hlawm hle a, chu chuan min ti hlim hle a ni.












"Hyderabad Chicken Biryani"













"Chinese Grill Chicken"

11 comments:

EPISTEMOLOGY said...

keini hyderabad ho chuan,kan duh hun hunah kan ei reng mai asin...ehhehe...Mahse, i siam hi ka eichak zawk...mipa dang ang lo takin cooking hi nuam ka ti phian tlat.

Unknown said...

A va tui hmel ve! Weekend activities atan chuan a tha hle mai tak e...min sawm ve nghe nghe phei la chuan!! :)

Irene said...

@Epis..kei pawh kum 2 kal ta HYD ka awm ve lai khan ka ei nasa thin alawm. A bik takin Paradise mi kha tui ka ti...

Hmmm...i cooking ka ei ve chak khawp mai... i siam thiam ngawt ka ring. Mipa cooking thiam chu an siam tui thei si a.

Irene said...

@Keimah hee..hee.. min han hrilh la chu ka sawm hrim2 ang che. Ka cooking i ei duh phawt chuan.

Thanks you for visiting me.

Varte said...

Arsa hi ka duh ve hrim hrim, i biryani siam pawh a tui hmel hle e, a siam dan chu han ziak nghal law law la tha tur, helai mite ho hi ka'n siamsak ve tur, Indian food ei chak hlawm ta reng reng hi an nia..

Irene said...

@Varte a siam dan hi ka ziak chhuak ta lo mai nih hi, hun ka nei lo ve thei si a. A tawi thei ang berin ka post tawp mai heee..hee..

I duh chuan ka rawn mail ang che. Lo siam sak i tum ve dawn nia. Mahse a tel tur bawl hlo vel hi kha lamah khan a awm ang em ka hre lo le. A bawl hlo vel hi a kim tawk loh chuan a tui vak lo.

Dini Varte said...

lo mail rawh, bawlhlo chu a hmuh ve theih mai theih, Indian an tam a, eng eng emaw chu a awm ve nual ania.. vartedini@yahoo.com

Hriatpuia Pa said...

Ei ve chak lutukssssss... sllluuuurrrp :D

Irene said...

@Zaia ka siam leh hunah ei turin ka la sawm ngei2 dawn che nia. Lo nghak fan2 rawh aw....

@Dini ka rawn mail tawh che kha aw...Enjoy Indian Biryani out there...

Jerusha said...

Pu Epis a sawi ang deuhin Hyderabad lamah chuan a tam lutuk hi hne lamah a kal nge, Biryani ka ngaina lo hrim hrim nge, ka ei tha peih lo. Mahse helai pic ami chu vai ho siam ai chuan ka it deuh zawk :)

Irene said...

@Jerusha...nia lawm Biryani chu an uar khawp mai HYD ah chuan. A siam dan pawh chi hrang tam tak a awm. Mahse tunah ka han siam ve dan hi chu a bawl hlo kha mizo ei peih zawngin ka modify deuh hlek. Eg: Aieng tam hlur te ka ti tlem a..chuan masala kha rim na lutuk lo turin ka ti tlem bawk a. Tichuan Mizo deuhin ka chhuah zawk. Eirel vel hi chu culture mil hian phuahchawp ve zel hi ni mai tui dan chu...heee..

Chennai i rawn zin hunah ka lo siam sak dawn che nia...